Tablà
Las chargias da fain rivaivan tras piertan aint ill'era. L'iral es plü ot co la quarta. II fain gniva svöda gio da las duos varts da l'iral illas quartas. Cur cha'I fain staiva pü ot co l'iral gnivan las masellanas (ils pons) trattas cun üna schirella sün charpenna ed il fain bütta sül toc. II tabla spordschaiva lö avuonda per tuot il fain. Aint illa quarta a dretta sun exposts urdegns agriculs co chi gnivan dovrats fin la mita da l'ultim tschientiner. Sül fuond da l'iral gniva scoss mincha utuon il gran. II muglin aint illa quarta schnestra es gnü integre cun drizzar aint il museum. EI renda attent sün l'importanza da la cultivaziun dal gran. Da la quarta as poja verer la transmissiun da la forza tras ün rouda daintada da lain chi faiva ir la moula.
