GV 2025

Rapport annual 2024

Nos museum es classifichà dal chantun sco instituziun da relevanza regiunala, quai chi’d es imortant da gnir sustgnü da

l’uffizi da cultura chantunal. Perquai lessan restar interessants tant per la populaziun da nossa regiun, per nos

commembers ed eir pels giasts in Engiadina bassa, chi vegnan our da divers pajais.

Al cumanzamaint da l’on 2024 ha la suprastanza elavurà ün plan d’activitats e d’investiziuns per progets.

Ün riassunt da nossas activitats dürant l’on 2024:

• 09 favrer2024: Plaz da filar cun chanzuns popularas e tadlar burlas da Men da la Betta

• 04 mai 2024: Radunanza generala cum preschantaziun da la maisa interactiva ed ün referat

infuormativ e preschantà cun umor dal istoriker dr. Paul E. Grimm. Tema: 500 ons Trais Lias dal

Grischun

• Il museum es stat avert dals 14 gün fin als 13 october 2024

• Exposiziun da stà: Elavuraziu da textilias / Dal material primar al prodot final. Vernisssascha als 14 gün

Aita Dermont e Tina Fried han dal 2023 fat uorden cullas textilias aint il museum. Tailas van in malura sch’ellas

nu vegnan conservadas inandret. Perquai vaiva Aita gnü contact culla responsabla da textilias dal museum

Retic a Cuoira.

Our da quai es lura eir nada l’intenziun per l’exposiziun speciala 2024 cun quista tematica.

La vernissascha ha gnü lö cun ün fich interessant ed infuormativreferat da la manadra da la Tessand Val

Müstair.

- cuorta istorgia da la producziun da textilias in nossa val, (tablas, fotografias)

- exposiziun da tuot ils urdains inclusiv il material chi gniva dovrà, e tablas cun decleraziuns e

nomenclatura,

- duos filmins : - rtr Chasper Schmidt fa roudas da filar,

- Kassensturz, 21-11-23 Textilrecycling (permiss e tagliar)

- Finissascha e di da demonstraziun, dumengia, als 13 october

sün mincha post staivan a disposiziun persunas chi demonstreschan e decleran il process

d’elavuraziun :

- lana : tuonder, lavar, s-chartaschar, filar

- glin e chonva: semnar, racoglier, metter a sechar, sfrachar, filar

- tesser, cusir, far culs spaits, rechamar

- products : büschmainta, badliners, linzöls e roba da let, rechams…• Guidas

Üna gronda part da nossas entradas da visitaduoras e visitaduors deriva da las guidas tras cumün e museum,

cun apéro illa stüva gronda. Tuot in collavuraziun cul’organisaziun turistica TESSVM. No vain gnü visitas da

divers pajais, dafatta da l’USA.

• TIM TAM

Las guidas da TIM TAM sun activas in Engiadina. Armon ha darcheu guidà classas aint il museum e laschà

scriver istorgias.

• Divers

- Il president ed Armon han visità occurenzas da l’organisaziun Terra Retica in rom dad Interreg ed

occurenzas da l’organisaziun da promoziun regiunala Engiadina Bassa / Val Müstair / Samignun.

- Displaschaivelmaing ha Tina Fried ha desdit sia carica sco chaschiera per la fin dal 2023.

Ingrazchamaint

Üna bell’incumbensa dal president es adüna da pudair ingrazchar, eir in nom da tuot la suprastanza. Eu less ingrazchar

cordialmaing per l’ngaschamaint dals commembers da suprastanza Aita Dermont Stupan, Antonia Lorenzetti, Armon

Parolini e Reto Strimer, dals revisurs da quint Tina Bott e Jon Pitschen Janett, dals conservaturs Linard Marugg ed

Erich Pfranger, da las survagliadras Antonia, Elisabeth Sarott, Sonja Gartmann ed a Linard. Ed eir ün cordial

ingrazchamaint a Maja Rigoni per seis grond ingaschamaint per la realisaziun da l’exposiziun speciala insembel cin

Aita.

Tuot nossas activitats nu füssan pussiblas sainza las contribuziuns finanzialas dal chantun, dals cumüns da Zernez,

Scuol e Valsot, da Corporaziun Energia Engiadina e dad oters donaturs. Ad els tuots tocca ün cordial ingrazchamaint.

 

02 gün 2025, il president: Peter Langenegger

radunanza generala dals 16 gün 2025

 

Sco bibliotecar dal Museum d’Engiadina bassa sun euconfruntà cun litteratura, dimena cudeschs e documaints veglschi sun da taimpra istorica. 

 

In svutrand in la biblioteca as survain cul temp üna survistache chi’d es avantman. Il problem es chi’d es fich intensiv daltemp nan. I sun truvaglias interessantas chi dan da stübgiar e contemplar. Eu n’ha bainschi fat ün cuors per imprender a leger la scrittüra veglischma la „Kurrentschrift“ (Ludwig Sütterlin) chi’d es amo plü veglia co la „Altdeutsche Schrift“. 

 

Mia incumbensa es eir la digitalisaziun i’l museum, uschè chi’s prova da far gnir adüna plü visibel tuot las truvaglias chi’s ha avant man.

 

La banca da datas vain adüna plü cumpletta ed adattada, la maisa interactiva vain adattada e corretta. Là n’haja survgni agüd dal magister a Scuol Corsin Marugg da Zuoz. El ha imprais a seis temp a programmar cun VBA e lura as pudessa simplifichar blers pass per correger o agindscher robas sün quista maisa interactiva. 

 

Inavant es eir adüna activ il proggram d’inscunter “Tim-Tam”. Voul dir Cun ün team da duos visitar il museum e publichar alch istorgia in l’internet. No tscherchain adüna darcheu interessents chi mainan ad inchün i’l museum. 

 

Inavant stuna gugent a disposiziun per cussagls o dumandas