Biblioteca dal museum

La biblioteca dal museum cuntegna üna gronda quantità da cudeschs dal 17avel fin 20avel tschientiner.

Men Rauch, l‘iniziatur principal e promotur dal Museums d'Engiadina Bassa, ha surdat tuot sia collecziun da cudeschs sco basa da la biblioteca dal museum.

 

Las prioritats sun la literatura rumantscha da las prümas traducziuns da la bibla fin al temp d’hoz, ed impustüt las ouvras gnüdas squitschadas in Engiadina Bassa in las stamparias da Scuol e da Strada. Oters pais as daja a temas regiunals sco literatura da la balneologia e dal parc naziunal.

 

La biblioteca es publica ed ils temps d’avertüra sun da cumbinar cul bibliotecar. Ün impraist nun es pussibel.