Schlèr

Il schlèr da la Chà gronda ha duos plans, quai chi nun ais tipic per la chasa engiadinaisa. I'l schlèr sura muossaina barigls da vin sco chi gnivan dovrats per transports culs chavals sa soma, divers utensils per l'elavuraziun dal lat, üna gronda tschocca da zappar fatta d'ün singul trunc ed ün banc da bacharia per bes-chas pitschnas. 

Il schlèr suot servia sco schlèr dal lat e dal chaschöl. quia as chatta vaschella da lat fatta our da lain, üna panaglia ed ün tuorn sül qual i gniva miss il chaschöl per til proteger da las mürs.